Genius Romanizations – AUR – Tu hai kahan Ft. ZAYN (Romanized) Lyrics

AUR – Tu hai kahan ft. ZAYN (Romanized) Lyrics
[Verse 1: Usama Ali]
Ki jab main hadd se aage badh gaya tha aashiqui me
Yaani Zindagi ko le raha mazak hi me
Fir mazak hi me mil gaya sab khaak hi me
Choo kar aaya manziley to tanha tha me vapasi me
Jaise phool todey hongey tumne jholi bharkay
Me wo phool jo ki reh gaya tha shaakh hi me
Jaise khwaab hi me khwaab gaahein aankh hi me
Pal se pal me kya hua tum reh gaye bas yaad hi me
Ek sawaal machalta hai mere dil me kabhi
Tujhe me bhul jaau yaa tujhe me yaad karu
Tujhi ko soch ke likhta hu jo bhi likhta hu
Ab likh raha hu to fir kyu na ek sawal karu
Main is sawal se gham to badal du khusiyon me
Par inn bejaan si khushiyon se kya kamaal karu
Par ab sawal bhi kamal, tu sambhaal le filhaal
Ye zawaal bichaa jaal kya main chaal chalu
Chaal chal tu apni main tujhe pehchaan lunga
Mai apni mehfilon me sirf tera hi naam lunga
Tujhe pasand hai dheema lehja or bas khamoshiyaan
Me tere khaatir apni khudki saanse thaam lunga
Kya tere saare aansu mere ho sakte hai
Aisa hai to tere khaatir hum bhi ro sakte hai
Mere khaatir mere rone par ab tum bas hass dena
Ekbaar teri muskurahat ke piche hum sab kuch kho sakte hai
Kya meri mohbbaton ka koi hisaab nahi hai
Kya teri aankhon me mere liye koi khwaab nahi hai
Tujhe kya hi karu ghamzada ab jaane de
Ki tere paas mere pyaar ka jawaab nai hai
Kitni muddate hui hai, tumne khat kyu nahi bheja
Gaa leta hu tere liye, mausiqi nahi hai pesha
Aane ki khabar hi nahi tere ab
Ab kya masuamo se puchu tere aane ka andesha

[Pre-Chorus: ZAYN]
Ankhon me aansoon nahi hai
Kaha hai tu kaha tu nahi hai
Dil ko ye ab jaan’na hi nahi, bas tum chale aao

[Chorus: ZAYN]
Tu hai kahan, khwabo ke iss sheher me mera dil tujhe dhund taa
Dhund taa
Arsaa hua, tujhko dekha nahi
Tu na jaane kaha chup gaya
Chup gaya

[Verse 2: Ahad Khan]
Aao firse hum chale
Thaam lo ye haath, kardo kam yeh faasle
Na pata ho manzilon ka, na ho Raste
Tu ho, main hu, bethe dono firr
Hum taaron ke taley
Naa subah ho fir, naa hi din dhale
Kuch na keh sake, kuch na sun sake
Batein sari wo, dil me hi rahein
Tumko kya pata hai kya ho tum mere liye
Kehkasha Ho Tum
Kahaniyon ki pariyon ki tarah ho tum
Mujhme aasake naa koi iss tarah ho tum
Ho yaaqeen tum mera, ya fir gumaan ho tum
Ashiyaan ho tum
Mai bhatka sa musafir aur makaan ho tum
Meri manzilon ka ek hi rasta ho tum
Dhund ta hai dil tujhe bata kahan ho tum
Ho jahan kahin bhi
Aao paas taake aansu mere tham sake
Yaad aa rahe ho tum mujhe ab har lamhe
Aisi zindagi ka kya jo tum zindagi me hoke
Meri zindagi na ban sake
Sochta rahu ya bhul jau ab tumhe
Tum mil hi na sakoge, to fir kaise chahun ab tumhe
Tere saare khwaab pal me jod denge
Jisme tu hi na basega, fir wo dil hi tod denge
Chod denge wo sheher
Ke jisme tum na hoge
Tuut jaaenge makaan
Wo saare hasrato ke
Guzre pal jo saath tere
Wo pal hai bas sukoon ke
Mil lo ab tum iss tarah se
Ke fir nahi miloge
[Pre-Chorus: ZAYN]
Tu hi tha saath me mere, kaise me jiunga akele
Taare gin gin ke hogayi hai subha

[Chorus: ZAYN]
Tu hai kaha, khwabo ke iss sheher me mera dil tujhe dhund taa
Dhund taa
Arsaa hua, tujhko dekha nahi
Tu na jaane kaha chup gaya
Chup gaya

[Outro: ZAYN]
You’ll always stay with me